الموضوع: ود حبوبـــه
عرض مشاركة واحدة
قديم 07-28-2016, 04:36 PM   #1
madani sat
ادارة المنتدي
 

الصورة الرمزية madani sat
إحصائية العضو







اخر مواضيعي
 

madani sat غير متواجد حالياً

 

 

المشاركات: 5,193
افتراضي ود حبوبـــه








هذه الأبيات كتبتها الشاعره رقية محمد امام أخت ود حبوبه
حيث صوّرت لنا فيها فراسة البطل عبدالقادر ود حبوبه
ومشهد المحكمه والاعدام ومن ثم مشهد القبر
حيث دفن بقرية (مصطفى قرشي ) وهي من قرى منطقة الحلاويين

بتريد اللطام أسد الكداد الزام
هزيت البلد من اليمن للشام
سيفك للفقر قلاّم

*****

ديّم فى التقر أنصارو منزربين
بالصفا واليقين حقيقة أنصار دين
بالحرب أم طبائق قابلو المرتيين
فى وش المكن رقدوا التقول نايمين

*****

ديّم فى التقر أنصارو زاربنو
بعهدوا القبيل بي عيسى تاهمنو
إتلموا العمد ليهم نقر سنو
الهوج والشرق طار المنام منو

*****

ديّم فى التقر قال العمير للسوم
القوي والضعيف من عينو طار النوم
الكفرة النجوس ما بختوا من اللوم
حجرت الدرب خليت جمالهم تحوم

*****

الأسد النتر وقال الدين منصور
لمولو الأورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمأمور

*****

الأسد النتر بي جيهة الأبقار
لمولو الأورط شايلين سلاح النار
ود حبوبه قام ورتّب الأنصار
فى كتفيه ديك كم شبعن صقّار

*****

الإعلان صدر واتلمت المخلوق
بي عيني بشوف أب رسوه طامح فوق
كان جات بالمراد واليمين مطلوق
ما كان بتشنق ود أب كريق فى السوق

*****

الإعلان صدر وإتلمت الحلال
نصبولوا السلاح وإتكرنف الخيال
قدر الله الحصل والزمن ميّال
منسول من أبوك ماك ودحرام دجّال

*****

بتكلم بقول بوريك شّن حسبو
نايبو السنين منّو الرجال حسبو
كل الخاصموك فى الآخره ما كسبو
التبعوك جنود لله ما انتسبو

*****

رضوان الإله تملأ الضريح كافور
مسك الرحمه لاح منو يلوح النور
أغفر سيئات كل من يجيك يزور
فى الفردوس هناك يتمنى مهما يدور

*****








       

الموضوع الأصلي : ود حبوبـــه || الكاتب : madani sat || المصدر : تكنولوجـي ســات

 

توقيع : madani sat

سبحان الله وبحمده .. سبحان الله العظيم

madani sat غير متواجد حالياً   رد مع اقتباس